Olav Nygard-kveld

Velkomen til foredrag og samtale om Olav Nygard og den nye boka «Olav Nygard – mellom himmelsyn og avgrunn»

Olav Nygard vert rekna som ein av våre fremste lyrikarar. I fjor var det hundreårsmarkering for diktaren med ei rekkje arrangement både i Modalen, Bergen og Oslo.

I haust gav Ronny Spaans ut boka «Olav Nygard – mellom himmelsyn og avgrunn» på Villanden forlag. Dette er ei bok som inneheld heilt nytt stoff om diktaren – stoff som aldri før har vore publisert – og som kastar nytt lys over Olav Nygard-forskinga.

Denne kvelden får me møta forfattar Ronny Spaans og forlagssjef Mona Grenasberg, og saman stiller me spørsmåla: Kvifor er det viktig å løfta fram ein diktar som levde for over 100 år sidan? Kvifor er Olav Nygard framleis relevant i dag?

Pianist Frode Skage Storheim og sanger Ingeborg Ekeland bidrar med piano, sang og dikt.

Det blir òg boksal, signering og open kafé. Velkomen til ein hyggeleg fredagskveld!

Formålet med prosjektet er å belysa viktige, og til dels oversette sider ved norsk historie og kulturarv. Prosjektet vil styrka lokale arenaer for refleksjon og ny innsikt, gjennom møter mellom publikum og ekspertar innan historie og litteratur.

Arrangementet er støtta av Fritt Ord og ein del av prosjektet «Sakprosa i fokus»

Arrangør: Kulturstova Galleri Gamleskulen og Alver bibliotek